സുൽത്താൻ ബത്തേരി: വയനാട്ടിൽ ഇന്നലെ ഒരാൾക്കുകൂടി ഷിഗെല്ല രോഗബാധ സ്ഥിരീകരിച്ചു. തിങ്കളാഴ്ച രണ്ടു പേർക്കാണ് രോഗം സ്ഥിരീകരിച്ചത്.
ഇതോടെ ജില്ലയിൽ ഷിഗെല്ല രോഗം ബാധിച്ചവരുടെ എണ്ണം മൂന്നായി. പനി, ഛർദി, വയറിളക്കം എന്നിവ ബാധിച്ച് താലൂക്ക് ആശുപത്രിയിൽ ചികിത്സയിൽ കഴിയുന്ന കോളിയാടി എയുപി സ്കൂളിലെ 21 കുട്ടികളുടെ സാംപിൾ പരിശോധനയ്ക്ക് അയച്ചതിൽനിന്നാണു മൂന്നു പേർക്ക് ഷിഗെല്ല രോഗം സ്ഥിരീകരിച്ചത്.
പനി, ഛർദി, വയറിളക്കം എന്നിവ ബാധിച്ച് താലൂക്ക് ആശുപത്രിയിൽ ചികിത്സയിൽ കഴിയുന്ന കുട്ടികളെ ആരോഗ്യ മന്ത്രി കെ. മുരളീധരൻ ഇന്നലെ സന്ദർശിച്ചു.
വിവിധ വാർഡുകളിലെത്തി കുട്ടികളോടും രക്ഷിതാക്കളോടും മന്ത്രി വിവരങ്ങൾ ചോദിച്ചറിഞ്ഞു. ആശങ്കപെടേണ്ട സാഹചര്യമില്ലെന്ന് മന്ത്രി വ്യക്തമാക്കി.